أخر المواضيع
مرحباً بكم في شبكة سيدات ليبيا
حللت أهلا ووظئت سهلاً يا هلا بك بين أخواتك فإن كنت عضوة معانا فسارعي بتسجيل الدخول
أعلاه فيشرفنا تواجدك وإن كنت زائرة فسارعي بالتسجيل يشرفنا تسجيلك معانا ومن
هنا التسجيل
,أملين ان تفيدي وتستفيدي وبإنتظار مشاركاتك العطرة وسعداء
حقاً بتواجدك معانا وحياك الله في شبكتنا المتواضعة

نشاطات وإبداعات المنتدى

مساحة إعلانية - رشح موضوعك
مساحة إعلانية - رشح موضوعك
نشاط
الخمس
مساحة إعلانية - رشح موضوعك

الأعضاء المدعوين

صفحة 1 من 4 1234 الأخيرةالأخيرة
  1. #1
    نعومي غير متواجد حالياً سيدة ذهبية عضوة
    تاريخ التسجيل
    Dec 2011
    الدولة
    في بيتي مملكتي
    المشاركات
    5,652
    معدل تقييم المستوى
    137
    افتراضي أمثال شعبية مأثورة





    أولاً... وللأمانة هذه الأمثال منقولة من برنامج الكلام الزين للأستاذ الفاضل ( الهادي محمد حقيق) الذي كان يذاع منذ سنوات مضت بإذاعة طرابلس المحلية .

    يا سعد من قال أمي .. وقالت نعم وجاوباته .. تاريتها الأم جنة .. ياتعس من فارقاته .
    كل حد وسعده .. حتى البرم ، وحدة تطبخ في السفناري ، وحدة تطبخ في اللحم .
    مدام ولدي حي يا سعدودي .. نوار قبرعون فوق خدودي .
    الشوارب تبوس .. والقلب فيه السوس .
    الفار الزرباز من سعد القطوس .
    اللي واخذ على طعامك ، وين يشبحك يجوع .
    صامت قليل الملح ما يتعدّى .. برّك احدانا ناقته وتغذّى .
    ما يحبّها شبح .... جابوهلّه عروس .
    في اللبس زوجة من ... وفي الشرف بنت من .
    كل شئ دواه الصبر ، إلا قلّت الصبر ماليهاش دواء .
    اللي ضرباته أمه راحت فيه .
    مشيت للبحر نشكي من كبر هبالي .. حتى البحر وخّر ووجعه حالي .
    غايضه واسمع مافي قلبه .
    كل شئ تلقاه في السوق ، كان أمك وبوك .
    اللي يحب روحه ، يقعد بروحه .
    شرْقه بريقك ، توّريك عدوّك من صديقك
    أبعت ولدك للغابة أيجبلك مثله من العيدان
    أبكي من يتيم وابخل من عقيم
    ابرد من تلج الليالي
    ابني على الهمة إيجيك المال
    أبنادم ايقول قول وربي يفعل فعل
    اتغدي بعدوك قبل ما يتعشى بيك
    أتعلم وترك
    أتغرب واكذب
    اجعل خدامك من حزامك
    أجعلك يا مادي بين جاي وغادي
    اجعل من حادانا يربح
    أجعلك نوارة فى عيون النغاره
    أجعلك غابة والناس حطابة
    أجبد ولاترد حتي الجبال تنهد
    أحييني اليوم واقتلني غدوة
    احبال سو طاحوا في بير
    احسبني كيف خوك وحاسبني كيف أعدوك
    اخطم على عدوك جعان ولا تخطم عليه عريان
    اخنب وصدق ياعدو الله
    أخراب العبيه ولافساد البنية
    اخدم بناصري وحاسب البطال
    اخداها من اخداها وحتزت
    اخطي راسي وقص
    اخيه وايدي فيه
    اخفلها اجرالها
    أخر الطب الكي
    ادبارة الفار على أهل الدار يبيعوا القطوس واشروا جبنه

    __________________________________________________ ___
    الـبــخـــــــــــــت

    قليل البخت يلقي العظم في الكرشة
    قليل البخت يلقي العظم في الرية
    أصحاب السعد تحطّبلهم الريح
    طايح السعد ينبحن عليه كلاب السوق
    راقد الريح ينبحن عليه كلاب السبخة
    الباب مفتوح والرزق علي الله
    ـختـك نـصـيـبك
    اللّي لك ما يخذها غيرك
    اللّي مكتوبتلك تقسملك
    اللي قاسمتلك ما اطيح من فمـك
    بـخـتك هـو نصـيبـك
    __________________________________________________ ____
    الــــــــــــــرجـــل
    الراجل يحي قبيله والقبيله ما تحيي راجل
    الراجل تربطه كلمته
    الراجل ما يلحسش كلمته
    الراجل راجل
    الراجل تربطه كلمته والثور من قرنه
    لراجل طير حر ان حصل ما يتخبل
    الراجل سعده في اقدامه
    الراجل كلمته ما طيحش في الارض
    الرجال محاضر موش مناضر
    الرجال بالاقدار مش بالأعمار
    راجل ولا عشر رجاله
    الرجال يتلاقوا والجبال ما يتلاقو
    __________________________________________________ ____


    الـبــــــــــنــت

    البنت أم والولد كـم
    البنت حنونة
    البنت ضرة أمـها
    البنت تتربي مرتين : وحـدة عند بوها، وحدة عند راجلها
    البنت تجيب من عمتها ولو كان من كعبتها
    بنت المفوّز علي عيون بوها تتجوز
    بو البنات مرزوق
    اللي خلف البنات ما مات
    أعطي بنتك وزيد عصيدة
    بفلوسك بنت السلطان عروسك
    بقروشك تاخذ بنت السلطان
    رباية البنت علي أمها
    خوذ بنت عمك تصبر علي همك
    عليك ببنات الأصول راهو الزمان يطول
    خوذ البنات من صدور العمات
    أكفي الجرة علي فمها تطلع البنت لأمـها
    المرا حرفة ولو كان جابها وادي
    المرا قعّادة حوش
    اللي يخونها ذراعها تقول: أنا مسحورة
    الحرة أول ماتكنّس حوشها
    اجعل كل ثنيّة عندنا فيها ولية
    اللي مراته قصيرة يفرح ويقول صغيرة
    من كبر بختي جت كنتي بنت أختي
    مركب الضراير سارت ومركب السلايف حارت
    ما هم إلا هم السّلْفة، أما الحما ماشية منتلفة
    عقربين في غار ولا أختين في دار
    حتي وهي مريضة ما تنسي القريضة
    الزاطلة تخبر بليلة عرسها
    الضرة ضرة ولو كانت وذن جرة
    أم الهبلة تموت وهي تاكل في شواربها
    تبطل أم المهبولة وهي تعض في شِفّتّها
    حُبّ النسا والريح ماله دولة مهبول من يفرح للي يضحكوله
    لاتاخد رأي المرا ولاتتبع ال**** من ور

    __________________________________________________ ____

    الــــــــــقرابـــة
    الدم ما يولي مية
    خوك خوك لا يغر بيك صاحبك
    حتي المصارين في البطن ايتعاركن
    رزق خوه عند خوه
    دمـك دمــك
    دمـك ســمّك
    الـجــــار
    الجار أولي بالشفعة
    الجار قبل الدار
    الجار بالجار
    جاور حسود ولا تجاور معيان
    دير ما يدير جارك ولاّ قلّع باب دارك
    صون رزقك ولا تخون جارك
    الـضيافــة والكـــرم
    ضيف ليلة ما تورّية فقرك
    ضيف وكلوفي
    الضيف علي الضيف أحرّ من نار الصيف
    الضيف وجهه أبيض
    ضيف لجواد ايضيف
    العيش يوتكل علي وجوه هله
    إكرام الضيف ثلاث أيام
    اللي عنده موش له
    يــده في جيبه
    يده مطلوقة
    ليلة ضيفك أنسي فقرك

    __________________________________________________ ___


    أدعيـــــة ليبية قديمة
    الله يجعل خدامك من حزامك


    الله يجعل من يحاذيك يربح


    الله لا تغرّب إلا خيارنا


    الله يجعلك وين تشوّر تنوّر


    الله يجعلك مفتاح البيبان المسكرة


    الله يجعلك كي امعطن العد اللي يجوك يمشوا روايا


    الله يهديك للخير


    الله ايربّحك وين ما تعطي وجهك


    الله لا ايدعدعك


    الله ايجبها لك زينة


    الله يكفيك شرهم


    الله ايغلّبك عليهم


    ربي معاك


    يا طالب أطلب اللــــه

    وقـول: يا كريم المـعاطي

    إلا العبد خليك منــــه

    لا يـرفــعك لا يـواطي

    الله يجعل خدامك من حزامك

    الله يجعل من يحاذيك يربح

    الله لا تغرّب إلا خيارنا

    الله يجعلك وين تشوّر تنوّر

    الله يجعلك مفتاح البيبان المسكرة

    الله يهديك للخير

    الله ايربّحك وين ما تعطي وجهك

    الله لا ايدعدعك

    الله ايجبها لك زينة

    الله يكفيك شرهم

    الله ايغلّبك عليهم

    ربي معاك

    يا طالب أطلب اللــــه

    وقـول: يا كريم المـعاطي

    إلا العبد خليك منــــه
    لا يـرفــعك لا يـواطي

    الإتــــــــــــكال على الله

    ما بعد الضيق إلا الفرج

    اللّي فيها الخير أيديرها الله

    اللّي عند الله موش بعيده

    اللّي يبّيه ربي يصير

    اللّي موش كاتبتلك أطّيح من بين ايديك

    اللّي ما يعطيش ربي ما يعطيه العبد

    حتي ملك الموت يموت

    خلق الداء وخلق الدواء

    خلق الباس وخلق له ناس

    الخوف من الله موش من الناس

    الخيرمن الله والشر من عباده

    العمر يعارك دون صاحبه

    رزق حد ما ياخذه حد

    رزقك ايجيك والصبر تناله فايده

    رزقك ايجيك وتربتك تتعبلها

    لا هروب من المكتوب

    ليلة قبرك ما تبات خلا

    و السلام ورحمة الله وبركاته


    المصدر : منتديات سيدات ليبيا
    التعديل الأخير تم بواسطة أرياف ; 05-03-2012 الساعة 05:01 PM

  2. #2
    سيدة ذهبية عضوة
    تاريخ التسجيل
    Dec 2011
    الدولة
    في بيتي مملكتي
    المشاركات
    5,652
    معدل تقييم المستوى
    137

    افتراضي

    يلا كل واحدة إتخش تكتب مثل شعبي
    قعمزي لامك او حنتك المهم أكتبي مثل شعبي



  3. #3
    سوسو الحنونة عضوة الصورة الرمزية soso
    تاريخ التسجيل
    Apr 2012
    الدولة
    طرابلس
    المشاركات
    2,057
    معدل تقييم المستوى
    50

    افتراضي

    اللي معاه السعد تحطبله الريح واللي مامعاه السعد اللي يحطبه يريح

    فكرة حلوة ياحبوبة تسلمي توا نتفكر الأمثال ونكتبهم










  4. #4
    سيدة ذهبية عضوة
    تاريخ التسجيل
    Dec 2011
    الدولة
    في بيتي مملكتي
    المشاركات
    5,652
    معدل تقييم المستوى
    137

    افتراضي

    هههههههههههههههه امي يما إتقول فيه المثل هذا
    يلا نستني فيك


  5. #5
    يفرنية حرة عضوة الصورة الرمزية أم منتهى
    تاريخ التسجيل
    Feb 2012
    الدولة
    ليبيا الحرة
    المشاركات
    1,988
    معدل تقييم المستوى
    63

    افتراضي

    أمثال رائعة

    دبارة الفار على أهل الدار بيعوا القطوس وأشروا جبنة






  6. #6
    مشرفة عضوة الصورة الرمزية نبض درنه
    تاريخ التسجيل
    Jan 2012
    الدولة
    درنه
    المشاركات
    2,698
    معدل تقييم المستوى
    47

    افتراضي

    ماشاءالله عليك ونقولك (( ان ريت الضيف جاك اصحا البشاشه تخطاك))


  7. #7
    سيدة ذهبية عضوة
    تاريخ التسجيل
    Dec 2011
    الدولة
    في بيتي مملكتي
    المشاركات
    5,652
    معدل تقييم المستوى
    137

    افتراضي

    اقتباس المشاركة الأصلية كتبت بواسطة أم منتهى مشاهدة المشاركة
    أمثال رائعة


    دبارة الفار على أهل الدار بيعوا القطوس وأشروا جبنة
    ههههههههههههههههههه الله يبارك فيك أم منتهى نورتيني



  8. #8
    سيدة ذهبية عضوة
    تاريخ التسجيل
    Dec 2011
    الدولة
    في بيتي مملكتي
    المشاركات
    5,652
    معدل تقييم المستوى
    137

    افتراضي

    اقتباس المشاركة الأصلية كتبت بواسطة نبض درنه مشاهدة المشاركة
    ماشاءالله عليك ونقولك (( ان ريت الضيف جاك اصحا البشاشه تخطاك))
    ما شاء الله عليك اول مرة نسمعه المثل هذا


  9. #9
    سوسو الحنونة عضوة الصورة الرمزية soso
    تاريخ التسجيل
    Apr 2012
    الدولة
    طرابلس
    المشاركات
    2,057
    معدل تقييم المستوى
    50

    افتراضي

    طار الحمام وصفقي ياوزة

    هههههههههههههههههه










  10. #10
    نعيمه على عضوة الصورة الرمزية نعيمه على
    تاريخ التسجيل
    Feb 2012
    الدولة
    طرابلس ليبيا
    العمر
    46
    المشاركات
    781
    معدل تقييم المستوى
    25

    افتراضي

    ريتك ووريتك وريت بعينك .. ان ماخديت النهو بينك بينك

    واللى صبر لين جاب يصبر لين يموت

    ولد الفار يطلع جهار

    الطويله تعلق كلتها والقصيره تموت بقهرتها

    ومابوى الا امى

    واللى يموت بوه يتوسد الركبه .. واللى تموت امه يتوسد العتبه

    والمتغطى باليام عريان

    ولو كان شبح العين فيه ثمره يشبح بنادم لين يوفه عمره

    هذه مجموعه منى وكان تبي نزيدك رانى منبع امثال انت غير اطلب يالعزيز هههههههه

    فكره حلوه يانعومى


    لكم حبي وتقديرى











صفحة 1 من 4 1234 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. أدعية مأثورة
    بواسطة fatma_shef في المنتدى المرأة المسلمة
    مشاركات: 4
    آخر مشاركة: 04-12-2013, 12:12 AM
  2. أمثال ماليزيه روعه
    بواسطة أم منتهى في المنتدى الملتقى الإجتماعي
    مشاركات: 5
    آخر مشاركة: 03-28-2013, 02:25 AM
  3. امثال شعبية كمبيوترية
    بواسطة حزن الطفولة في المنتدى نكت وقصص فكاهية
    مشاركات: 6
    آخر مشاركة: 03-12-2013, 12:32 AM
  4. اكلات شعبية ليبية
    بواسطة القلب المجروح في المنتدى عالم الطبخ
    مشاركات: 9
    آخر مشاركة: 06-20-2012, 10:20 AM
  5. أمثال مصورة
    بواسطة نعومي في المنتدى الأقسام الترفيهية
    مشاركات: 11
    آخر مشاركة: 05-19-2012, 11:39 PM

الكلمات الدلالية لهذا الموضوع